വിശപ്പിന്റെ സൗന്ദര്യം
*************
വിശപ്പിന്റെ
തീവ്ര സൗന്ദര്യം രുചിച്ച ചുണ്ടുകള്
കൈകള് നീട്ടുന്നു
തെരുവുകളില്

കുന്നായിക്കിടക്കുന്ന
മാലിന്യങ്ങള്ക്കിടയില്
കയ്യിട്ട് വാരി വയറ് നിറക്കാന്
ഇരുട്ടിനെ കാത്തിരിക്കുന്ന
വിശപ്പിന്റെ കാമുകന്മാര്

മടിക്കുത്തഴിക്കാന്
പെണ്ണിനെ പ്രേരിപ്പിക്കുമാറ്
തീവ്രമാണ് പലപ്പോഴും
വിശപ്പിന്റെ അഗാധ പ്രണയം

നുരഞ്ഞ് കയറുന്ന
കാമക്കണ്ണുകള് തലോടുമ്പോഴും
കാമമല്ല എരിയുന്ന
വിശപ്പിനെയാണവള്
ഓര്ക്കുന്നത്

വിശപ്പില്ലാതെ
വിശപ്പിന് വേണ്ടി
മരുന്ന് കഴിക്കുന്നവര്ക്കെങ്ങനെ
വിശപ്പിനെ പ്രണയിക്കാന്
കഴിയും?
വിശപ്പിന്റെ സൗന്ദര്യം
ആസ്വദിക്കാന് കഴിയും?

(സൈഫു ടി എം)