ഈയിടെ വലിയ സന്തോഷത്തിലാണല്ലോ..? കുഞ്ഞു കുട്ടികളെപ്പോലെ തുള്ളിച്ചാടുന്നു...
എന്താ പറ്റിയത് നിനക്ക്.?

അല്ല ശെരിയാണല്ലോ.? എന്ത് പറ്റി എനിക്ക്?
എന്തായാലും സന്തോഷം വര്മ്പോള് കുഞ്ഞാവുക... നല്ല കാര്യം....

പിന്നെ സങ്കടം... അത് നിശബ്ദമായ ആവേശമാണ്...
മനസ്സിലായില്ലെ? ഞാന് സങ്കടപ്പെടാറുമുണ്ട്...

നേരം ഇരുട്ടിത്തുടങ്ങിയാല് ചങ്കില് ആഞ്ഞൊരടി തന്ന് സങ്കടം എന്റെ തോളില് കടിക്കും... നല്ല സുഖമാണ് സങ്കടത്തിന്റെ കുഞ്ഞു പല്ലുകള് ശരീരം തൊടുമ്പോള്....

പണ്ട് നിന്നോട് സംസാരിച്ച രാവുകള്..
നിന്റെ ശബ്ദത്തിന്റെ ചൂടു പറ്റി...
നിന്റെ ചുംബനങ്ങളില് ഹൃദയം തുടിച്ച്...
നിന്റെ കൈകള്..
അവ പുഴകളും മരങ്ങളും തടവറയുമായിട്ടുണ്ടെനിക്ക്...
തടവറയെന്നാല് തെറ്റിദ്ധരിക്കണ്ട... അന്ന്
ഇഷ്ടങ്ങളായിരുന്നല്ലോ തടവറയിലെ കാവല്ക്കാര്....

അല്ല, ഇന്ന് നീയില്ലല്ലോ..?
എനിക്ക് കൂട്ട് തന്നാല് എന്റെ ജീവിതം തകരുമെന്ന ഭയമല്ലെ നിനക്ക്?

ഭയപ്പെടണ്ടാ.
നീ പറന്നേക്കുക..
പറന്ന് പറന്ന് ചിറക് തളരുമ്പോള് എന്റെ കൂട്ടില് മറ്റൊരു ഇണക്കിളിയില്ലെങ്കില്....?

നീ മടങ്ങി വന്നേക്കുക.. ആഞ്ഞൊന്നെന്റെ മുഖത്തടിക്കുക...
എന്റെ പ്രതിസന്ധിയുടെ തീവ്രത കുറക്കുക...

എന്നെ പ്രണയിക്കാന് വിടുക